Arnór Hreiðar Ragnarsson, oftast kallaður Nóri er fæddur 22. maí 1962 á Garðshorni á Reykhólum. Hann er sonur Ragnars Trausta Sveinssonar frá Reykhólum og Bjargeyjar Arnórsdóttur frá Tindum í Geiradal. Arnór hefur lengst af búið á Hofsstöðum í Þorskafirði. Arnór a þrjú börn, þau Elínu Völu, Hjalta Ragnar og Mána. 
Arnór er sauðfjárbóndi, leigir aðstöðu að Klukkufelli sem er í Innsveitinni en hann er orðinn hálfþreyttur á akstrinum og ætlar að hætta með Klukkufellið í haust.
Hofsstaðir í Þorskafirði er eina býlið í firðinum með fasta búsetu.
Hann segist helst horfa á sjónvarpið sér til skemmtunar eða skrolla upp og niður í tölvunni og svo fer hann stundum á milli bæja til að hitta fólk.
Arnór segir að það sé gott að búa í Reykhólahreppi, sérstaklega er það frelsið eða sveitin sem gerir það gott að búa hér, hann kunni mun betur við sveitina en þéttbýlið. Hér er mikill friður og ekkert arg og þras eins og er í þéttbýlinu, bílar, fólk og hús út um allt. Hann segir að Hofsstaðir í Þorskafirði er heima, þannig hafi það alla tíð verið, hér slær hjartað hans.

Fótboltalið í "denn"lightbox[640 360]Fótboltalið í "denn"

Aleinn í Þorskafirðilightbox[640 360]Aleinn í Þorskafirði

Plastpoka- og pappakassamaturlightbox[640 360]Plastpoka- og pappakassamatur

Vegasamgöngurlightbox[640 360]Vegasamgöngur